الثوره موصلتش مارينا

17 Jul

كان يوم اسود يوم ما روحت مارينا ……. بعد اسبوع ممتع في التحرير مليان بالاؤلفه و الجدعنه و الأمل و الحماس و انك ممكن تغير الدنيا … قال إيه اهلي حبوا أني اغير ولو يوم واحد و اقعد معاهم و نروح مارينا !!!!! و يارتني ما روحت … طبعا اول مره اروح من بعد الثوره قلت بأه يااااه أكيد هتكون فضيه و المحلات مقفله ما هي العجله وقفه .. و الناس مش فايقه لا مارينا و لا عجمي ولا ساحل و لا معاها تصيف اساسا ….. و الصدمه بأه !!! الوضع مختلف تماما .. اولا اعداد مهوله من البشر و لا كأن حاجه بتحصل في البلد و لا كأن في ناس معتصمه في التحرير بقالها ١٠ ايام … و المحلات كلها فتحه و العجله بتجري مش بتمشي … و الناس زي الفل و تمام و فلوسهم معاهم و سهر و خروجات و مش متأثرين بأي ثوره اساسا ولا كأن في ناس ماتت بس علي رأيهم الله يرحمهم …….. و يسلام لو كلمت حد في الثوره و لا قولتلهم أن في ناس معتصمه في التحرير … تتشل طبعا من الإجابات …….. اول أجابه إيه ده هي مش الثوره خلصت و مبارك مشي !!!!! تاني أجابه إيه ده هو في حد فعلا في التحرير .. طيب ليه؟ !!!!!! الاجابه التالته .. انتوا عايزين إيه تاني ما البلد ماشيه آهه و المجلس بيعمل كل اللي إحنا عايزينه..!! الاجابة الرابعه .. لا دول اللي في التحرير دول مش هيسكتوا غير لما يخربوا البلد …..!!!! و الاجابه الخامسه أكيد معروفه و هي فين أيامك يا مبارك !!! و أنا ألطوم …. و كل الإجابات دي طبعا من ناس مختلفه و اعتبروني طبعا أنا من فلول التحرير و بلطجيه و جايه مارينا اعمل انقلاب!!! و محدش يقولي أني اللي كلمتهم ولا شفتهم في مارينا من الاغلبيه الصامته و لا حزب كنبه لان دول علي الاقل ممكن يكونوا مع او ضد لكن الناس اللي أنا قبلتهم و شفتهم للأسف دول في الغيبوبه!!و علشان محدش يزعل ممكن يكون فيهم ١٠٪ اغلبيه صامته لأني طبعا ما كلمتش مارينا كلها !!فكرت مع نفسي قلت يا سبحان الله يعني الناس اللي عندها امكانيات و أكيد عندها توعيه من تلفزيونات او جرايد … عملين نفسهم مش واخدين بالهم و بايعين القضيه،،،، أومال بأه حال الغلابه اللي في القري و العشوئيات يعملوا إيه و بيوصلهم إيه ؟؟؟ أكيد تضليل و زياده في الغيبوبه !!!! و بالمناسبه أنا مش ضد ان اي حد يروح يصيفلوا يومين بس علي الاقل يكون مؤمن بالثوره و انها لسه مستمره و ما نجحتش ….. و انه يساعد و لو بكلمه !! لكن حياة الغيبوبه دي واللي عامل مش واخد باله متنفعش …….. حس بغيرك ، ساعد غيرك هيجيلك اليوم اللي هتحتاج حد يقف جنبك!!!!!!! ثم إحنا بنتكلم عن مصر .. بلدك مش لازم تكون دلوقتي ليك بس أكيد في يوم هتكون لولادك ….

3 Responses to “الثوره موصلتش مارينا”

  1. ahmed afify July 21, 2011 at 9:55 pm #

    بجد يا ماجى جيتى على الجرح انا لسه راجع من العجمى الناس هناك بحس انهم من كوكب تانى او انهم اجانب جايين يتفسحوا فى مصر انا اصلا كنت اخاف اكلم حد عن الثورة يبصلى بقرف ولا حاجه ولا يحسبنى عبيط

  2. Hassan August 2, 2011 at 6:56 am #

    hayel ya magy

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: