سلبيات تويتر

5 Jul

طبعا الكلام اللي بكتبه ممكن ناس تقول ان ملوش علاقه بالوضع الحالي و تعارضني فيه و ناس هيعجبها و ناس طبعا هتتنرفز مني بس هي دي الحقيقه و والواقع و محدش يزعل من الحقيقه غير ان اللي هكتبه عن عالم تويتر هو صوره مصغره من حالنا نحن شعب مصر …. فإذا كان في اخطاء نحاول ان نصلحها و اذا اردنا ديمقراطيه يحب ان نحققها من خلال هذا العالم المصغر تويتر الاول. . وها هي سلبيات التويتر وفي نقاط. ١- كل و احد بيكلم نفسه و محدش عجبه كلام حد و لا يرضي بانتقاده … طبعا اذا اختلفت معه في الرأي او انتقدته تبأه ليلتك سوداء. و أظن ان هكذا حالنا في الشارع. . ٢- اذا كنت من تعديت مثلا ٥٠٠٠ فولور تبقي انت بأه مفيش زيك و الكلمه اللي تقولها انزلت و كالعاده لا للمعارضه و لو حد عارضك فالرد الثابت هو مش عجبك اعملي انفولو او هعملك بلوك !!! ٣- كل ما تشتم اكتر كل ما تكون انت الولد او البنت الواو … و تلاقي عندك فلورز بالهبل … لحد دلوقتي مش فهمه ليه !! يمكن إحنا شعب بنحب الاباحه او الفضول ! ٤- طبعا لو فنان او مشهور او إعلامي من الصعب انه يعملك فلو او يرد عليك اصلا …انت مين اصلا علشان يعبرك !!!!!!!!!!!!!!!!!مع احترامي لبعض منهم لانهم فعلا يستحقوا الاحترام لانهم بيعملوا فلو و بيردوا علي الناس جميعا. ٥- يسلام بأه لو بتكلم حد عدي ال١٠٠٠٠ فلور ده تحس انه بيعتبر نفسه نجم و انه فوق الجميع…. ابأه قبلني لو رد عليك في اي منشن اذا كان سؤال او تعليق او اي حاجه اساسا!! و طبعا لا يمكن يعملك فولو و لا ريتويت لأنك من عامة الشعب …. انت مين انت ؟ من انتم؟فرق إيه بأه عن اي وزير من اللي مش عجبنا وبننتقضهم ما هو نفس اسلوب التجاهل. بس ارجع تاني و اقول ان في ناس محترمين جدا و لكن اقليه من يهتمون دائما بالرد عليك .. ٦- الإشاعات يا سلام علي الإشاعات …. تلاقي واحد طلعلك باشاعه تقلب الدنيا و كل البشر علي تويتر تلقيهم عملوا ريتويت و الدنيا قلبت بمصيبه في الاخر… فياريت نبطل إشاعات و ريتويت من غير مصادر مؤكده ٧- تعالي بأه اعملي فولو لبنت غالبا مش هتعملك فولو .. او كلميها في منشين برده مش هتعبرك و رغم ان في نفس الوقت تلاقيها ردت علي ولد و عملتلوا ريتويت كمان .. ده نفس الكلام بالنسبه للولاد بيعملوه !!!! طيب ده اسمه إيه ان شاءالله ؟؟ ورغم كده في ولاد و بنات محترمين جدا. فاعتقد ان هذه ليست الحريه و الديمقراطيه المطلوبه … فالمطلوب اولا اداب الحوار …….حوار متبادل… ناس تسمع بعضها … تناقش بعضها .. يحاولون ايجاد حلول عند وجود مشكله … و لست استبداد الرأي و العصبيه هما الحل …..تقبل بعضنا البعض اي كانت اتجاهتنا … لأننا نعتبر في تويتر كعائله مصريه كبيره …او مصر بس علي صغير و هذا هو الشئ الايجابي في تويتر الإحساس بالاؤلفه و انك تستطيع ان تقول ما يحلو لك و لكن بدون ايذاء حرية الاخرين واحتمال ان يكون هناك من يستمع لك و يقتنع و يفهم و يناقش كلامك. .فإذا حققنا هذا الكلام في تويتر سنحققه في الواقع و هذا هو المطلوب! كان نفسي اذكر اسماء المفضلين لي في تويتر و الجدعان بجد سواء بنات او ولاد او سيدات او رجال ولكن لا استطيع خوفا من ان انسي احد ثم لم يؤذن لي بذكر اسمهم ………….،. وطبعا بعد الكلام ده أظن ان كتير هيعملولي انفولو او بلوك كالعاده !! و نصيحه للمستجدين أرجوكم بلاش افاتار البيضه لانه فعلا مستفز و بيحسسنا انك جاسوس …. معلش اصلي كنت بهزر اصل كل الناس اليومين دول تقول كلمه، و بعدين ترجع تقول اصلي كنت بهزر🙂 … اعمل اللي انت عايزه و قول اللي نفسك في و أنا مالي … أنا قولت اللي في نفسي و خلاص!!

9 Responses to “سلبيات تويتر”

  1. Hani July 6, 2011 at 12:38 am #

    كلام جميل و كلام معقول ، بس لازم تعذري الناس أكتر من كده شوية ، اللي عنده أكتر من 10000 متابع ده مثلاً كام واحد بيرد عليه في الدقيقة فلو ماردش عادي ، ده مش شرط يكون معناه انه عامل فيها نجم ، ممكن بكل بساطه انه مش ماكينة ، و مفيش حد يقدر يرد على كل اللي بيرد عليه و مش كل الناس فاتحين تويتر و فاضيين له ، في ناس بتفتحه في الشغل و في ناس في المواصلات و غيره و غيره ، بالنسبة للاشاعات و الشتيمة و أغلب النقط اللي ذكرتيها عندك حق ميه ف الميه.

    • THINGS IN LIFE July 6, 2011 at 1:29 am #

      شكرا للتوضيح … أنا قولت ان في ناس بترد والله و مستنكرتهمش خالص لان فعلا في نا بترد كتير و غير كده أنا هدفي ان إحنا لازم نغير من طبعنا الحاد شويه و نتقبل بعض .. علشان نقدر نحققه في ارض الواقع مش اكتر

      • Hani July 6, 2011 at 2:09 am #

        أنا عارف و الله ان النية خير من ورا البوست ، لكن مصر مش تويتر على صغير لأن في ناس ف مصر ما تعرفش يعني ايه تليفزيون و لو حد مننا اتكلم معاهم بيتصدم من وجهات نظرهم اللي دايماً ما بتكون فيها مرارة السنين و هموم الحياة اليومية و اعذريني يعني الحالة اللي احنا فيها دي هتستمر فترة طويلة لأننا أول مرة نقع في الموقف ده ، أو “المطب” على رأي المشير الطفشاوي ، أول مرة ف حياتنا نحس ان ممكن صوتنا يتسمع ف كل الدنيا ، فمعلهش هيفضل صوتنا عالي لدرجة اننا مش سامعين بعض فترة طويلة ، يا ريت تسألي حد من اللي بيردوا عليكي و مش بيردوا عليا ، دور المصريين اللي بره مصر ف 8 يوليو هيكون ايه لأننا أيام يناير كنا عارفين دورنا ايه و كنا بنحاول نعمله ، لكن الأيام دي و بسبب الصوت العالي ماحدش فينا قادر يعرف هو دوره ايه

      • THINGS IN LIFE August 19, 2011 at 3:09 am #

        أتمني .. التغير و التقبل

    • THINGS IN LIFE August 19, 2011 at 3:10 am #

      عندك حق في كلامك برده

  2. Neveen July 6, 2011 at 3:50 am #

    That’s interesting but not always true, I followed you and there are plenty of girls who follow each other :)and regarding the cursing thing ” I can’t agree more ” but again interesting comparison🙂

  3. Ahmad July 6, 2011 at 6:08 am #

    أولا مقال رائع جدا ياماجي أما أنا فلي بعض الملاحظات موضوع التحاور دي مشكله عامه عندنا في مصر لأنها بترجع لأسلوب التربيه في أدب الحوار و المناقشه و كل شخص من وجهه نظره متخيل أنه الصواب ولا صواب غير ذللك و لو حد فكر يقرأ كتابين سيفين هابيتس و أنديان توكين كان هيفرق معاك كتير أوي و للأسف معظم الناس مش بتربط بين اختلاف الرأي وافساد الود وناش طبعها هجومي و تهجمي منهم كتير من هذه النوعيه
    أما بالنسبه لموضوع اللي عنده فلورز وبيطنطط و كده ده. برده بيرجع لسلوكه النفسي أولا و أخيرا و زي مقال هانل صعب الرد علي كل المينشن. و لو هيترد هيبقي في تأخير كتير و بترجع لطبيعه الشخص نفسه لأنه ممكن ميكونس بيعمل اكسس كتير لتويتر أما اعتراضي علي الجزء الأهم هو الناس اللي معندهاش تويتر أكونت أصلا دي صعب الحكم عليها و أصلا دي الغالبيه العظمي لأن مستخدمين تويتر من المصريين لن يتعذي صوابع يديك الخمسه بالمليون طبعا و كل مكان و حأجه و شيء بها الجيد و السيء وهذا بيرجع لحسن الاستخدام أو سوء الاستخدام و في النهايه برده المقال جميل جدا وعاجبني و بيلمس بعض التشبيهات الواقعيه و لاكنه لا يغطي كل الحالات الموجوده بمصر بشكل كامل طبعا و لاكنه بيعكس بعض السلوكيات الاجتماعيه

  4. Mohammad Aboulezz July 12, 2011 at 2:33 am #

    100 % right

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: