فضيحه بكل المقاييس

27 May

اولا أحمد الله علي سلامة اختي و زوجها !!! و اقسم بالله ان كل ما سأكتبه حدث بالفعل اليوم ٥/٢٧ . فقد حدث اليوم شيء لم اتوقعه فأثناء عودة اختي و زوجها من شرم الشيخ الساعه ١١ صباحا و علي بعد ٢٣٠ كيلو من شرم و قبل مدينة ابو رديس فوجئوا بأن البدو قد أغلقوا الطريق في الجهتين و تكدس عدد هائل من السيارات … و أيضا من يحاول العوده لا يستطيع اذ انهم أغلقوا الطريق عند مدينة الطور و غلقين الطريق بحواجز كالبراميل و اطارات محروقه و الأغرب حواجز مروريه ….. و كانوا هؤلاء البدو مسلحين بالرشاشات .. و المهم ان المنطقه بها نقطة مرور و بها ظابط و كام عسكري و لم يحاول الظابط و العساكر فعل اي شئ بل أخذ البدو السلاح منهم و وضعوهم في سيارتهم … ثم ازداد الموقف تأزما عندما حاول بعض الرجال النزول و المناقشه مع البدو لفتح الطريق اذ بدأ البدو في اطلاق نار مكثف في الهواء و حدث انهيار وخوف شديد بين الاطفال و النساء … فقام البعض بالاتصال بالجيش عدة مرات و لكن رد الجيش و قال حاضر و لم يأت احد كالعاده … و من كتر القلق الشديد و طول الوقت و عدم حل الأزمه قررنا الاتصال بمحافظ جنوب سيناء و ذلك لان لنا به معرفه سابقه و قد قام سيادته مشكورا بالاتصال بالجيش و بعدها و صل الجيش بعد ٤ ساعات اولا كان في صورة ظابط جيش واحد وفشل في المفاوضه مع البدو ثم وصلت دبابه و لكن فشلوا أيضا في ان يسمحوا للسيارات بالمرور …. و بعدها قررنا ان نتصل بقريب لنا و الذي نادرا ما ان نتصل به فهو ظابط في امن الدوله و لا اعلم اذا كان مازال في نفس موقعه ولا لا و لكن الغريب انه قام بالاتصال بشيخ القبيله في ابو رديس الذي قام بإرسال احد اتباعه برقم سيارة اختي و اسم اختي و زوجها و سمح لهم بالمرور … و عندها ابتدا باقي الناس و السيدات في المشدات ان لماذا مرور هذه السياره بالخصوص وأعاد الجيش التفاوض مره اخري .. فقد سمح بعدها البدو بمرور السيارات التي بها نساء و أطفال فقط و استمرار احتجاز باقي السيارات !!! و ما عرفته من اختي ان هؤلاء البدو لهم مطالب بالإفراج عن مساجين لهم ، بعضهم محبوس علي ذمة قضايا مخدرات و لن يسمحوا بفتح الطريق الا بعد تنفيذ مطالبهم … ومن ملاحظتي لما يحدث من إهمال شديد من تأمين للطريق من قبل الشرطه من قلة وجدهم و تسليم أسلحتهم لدرجة ان البدو احتلوا نقطة المرور و برج المراقبه المجاور له يدل علي تواطؤ واضح و أضرار شديد بالسياحه لوجود اتوبيسات سياحيه اثناء الحدث ….اما بالنسبه للجيش و تأخره و عدم وصوله الا بعد مكالمة المحافظ و دخوله في مفاوضات لا اعلم ماذا يعني !!!! و الاعجب تدخل ظابط امن الدوله الذي لولا تدخله و كلامه لشيخ القبيله لكانت اختي مازالت محتجزه و باقي النساء والأطفال …. فما علاقة امن الدوله بالبدو و التي توحي بإن ما يحدث هو تنظيم بين ظباط امن الدوله السابق و البدومما يعطي إيحاء بعدم الأمان و انهم مازالوا في أماكنهم و كان شيئا لم يكن !!! و هذه شهادتي لمن يهمه الامر

7 Responses to “فضيحه بكل المقاييس”

  1. Ahmad May 27, 2011 at 11:02 pm #

    لسه ياماجي في ناس ليها مصالح مع ناس بعض النظر عن الأوضاع الحاليه وحمدا لله علي سلامتها و ربنا يستر أمن الدوله كان متغلل في كل شبر في مصر و مأخفي كان أعظم

  2. Shaker May 28, 2011 at 12:15 am #

    حمدالله علي سلامه اختك وزوجها1-
    2-المشكله مش في تسليح الافراد لان البدو قطعا عنده كميه اسلحه غير عاديه وانا عارف كده لان ابن عمي صاعقه في العريش وبيشتبكو معاهم كتير
    المشكله الفعليه في ان دلوقتي الدنيا بقت ماشيه بلطجه وده لان الشرطه لسه هايبه تنزل او بمعني اصح مش عاوزه تنزل وبتستهبل وده يسأل عنه الوزير البرطه اللي قاعد مش شايف شغله
    3- هقولك حاجه عن الجيش
    لان لي قرايبي كذا حد فيه
    الجيش برطه جدا
    مبيحبش يتحرك واتعود علي الراحه الا وقت المناورات فبيتحركو مضطرين وبيبقو عارفين هيرجعو امتي
    اما في وضعنا فهم زهقو عشان مش واخدين علي شغل الشرطه ده
    5- معني ان ظابط امن الدوله قام بالمهمه يبقي لسه شغالين وتأثيرهم واضح جدا ويسأل عنه العيسوي
    5- ما شاء الله شكلكو واصلين اوي اللهم لا حد😀

  3. Nahef May 28, 2011 at 12:53 am #

    I’m very sorry for your sister’s ordeal but I’m not surprised. By now, it’s become obvious that the old regime is still breathing & exercising its powers! What is scary is how mysterious and vague the whole situation has become, especially when it comes to Amn ElDawla that doesn’t seem to be dissolved after all!

  4. Egyptian Graffiti Heckler June 23, 2011 at 12:39 pm #

    للأسف كل ظنون حضرتك صح وكل كلامك صح وامن الدولة متحلش والكلام ده انا قلته من حوالي شهر في تدوينة وقلت الدلائل اللي عندي علي ان امن الدولة لسه متحلش…بالاضافة لمعلومات اخري عرفتها من مصادر ليه في امن الدولة مقدرش انشرها لاني حتأذي لو نشرتها

    تقدري تشوفي تدوينتي وتقوليلي تعليقك عليها واقدر اعرفك معلومات اكتر عن نظام امن الدولة بعد الثورة بس مش للنشر
    http://graff-heckler.blogspot.com/2011/05/blog-post_24.html

    • THINGS IN LIFE June 23, 2011 at 6:45 pm #

      عندك حق في كل كلمه !!! و لعلمك أنا لما كتبت الكلام ده اتقلي أني أنا من امن الدوله و بحاول اعمل فتنه و مشاكل .. بس المشكله ان إحنا ديما بنحاول نغمض عينا عن الحقيقه رغم انها وضحه !! و أنا الشخصيه اللي في امن الدوله دي قريبة ليه فعلا بس مقدرش طبعا اقول اسمه والا أذيته لانه برده ملوش ذنب و كفايه انه ساعدنا … ممكن تبعتلي اللينك علي التويتر علشان انشرها

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: