الجمعه ٥/٢٧

26 May

انا لا سلقيه والا اخوانيه و لا ليبراليه و لا يساريه و لا ناصريه ولا شيوعيه ولا علمانيه ولا وسطيه و لا مندسه و لا اجنده ولا تبع اي جهه اجنبيه لكني مصريه و ونازله الجمعه 27 مايو ….. طبعا انا عرفه ان في ناس مش عايزه تنزل و بتقول كفايه كده و البلد بتنهار و الاقتصاد و البلطجه و هو احنا كنا نحلم ان مبارك هيمشى و كمان هيتحاكم معلش و مالو ومحدش يلومهم و لا يحجر على رأيهم لانهم حرين و ده رأيهم الشخصى و هى دى اليموقراطيه اللى بنطالب بيها …… و فى ناس نازله وهى مش عارفه هى ليه نازله بس اهى نفسها يكون عندها شرف المشاركه و مساعدة البلد بأى شكل …. اما انا هنزل اولا علشان خاطر مصرثم نفسى اشوفها حلوه بجد و طلباتى بسيطه و زى ناس كتير و ما تختلفش عن مطالب 25 يناير …. و منها حد ادنى و اقصى للأجور…. تطهير جهاز الشرطه بالكامل بالتخلص من القيادات المشتبه بفسادها و تعمل بالحهاز الى الان و تحويل و وقف المتورطين بقضايا القتل و التعذيب الى محاكمات سريعه وعادله …… وقف احالة المدنيين للمحاكمات العسكريه و الافراج عن المعتقلين من يوم 25 يناير الى الان …. الاسراع فى محاكمة مبارك و رموز الفساد و رجال الاعمال الهاربين و ياريت يبقى فى كام حكم بالاعدام علشان يطفى نارنا و دم الشهدا ما يرحش هدر ….. و اخيرا نفسى فى حاجه فى الفتره الانتقاليه الحاليه و هي عدم انفراد المجلس العسكرى باتخاذ القرارات الا بعد المشاوره من كافة القوى السياسيه و الطبقه المثقفه و من كتله شبابيه و شعبيه منتخبه او متفق عليهم من الشعب …… و اقول ذلك لاننا فى مصر الان لنا وضع استثنائى و فى مرحله انتقاليه تحت حكم مجلس عسكرى … فعلينا كشعب ان نكون رقيب على تصرفات المجلس كسياسات و ليست كمؤسسه …. ولان وضعنا الان هو ثوره بلا قياده كجسد بلا رأس تتحرك اطرافه اللى هى احنا تحركات غير اراديه موجهه و غير منظمه …. هكذا لا ينطبق علينا كلمة الفوضى الخلاقه لأننا فى فوضى عارمه و كل هذا بسبب اننا من يوم تنحى مبارك لم نخطو خطوه واحده فى الطريق الصحيح…… و اتمنى ان تكون هذه الجمعه هى الجمعه الحاسمه و ليست كقبلها من الجمع و تكون جمعه توجيهيه للمجلس و جعله يشعر بنوع من الوعى الشعبى و الرقابه المباشره من الشعب ….و من المطلوب ايضا ان تكون ساحة التحرير اكثر تنظيما و اكثر وضوحا فى المطالب و اكثر تشديدا على الأخطاء لأننا اصبحنا الأن السلطه المباشره لمحاسبة المجلس العسكرى ……… اما ما يخيفنى تضارب الآراء و السيناريوهات …و الأكثر خوفا ان يندس بيننا من يقوم باستفزاز الجيش و اندساس بعض العناصر على رأى المحلس العسكرى و الأكثر رعبا ان تكون هذه العناصر من قبل جهات معلومه كما حدث فى موقعة الجمل ….

One Response to “الجمعه ٥/٢٧”

  1. Ahmad May 26, 2011 at 5:35 pm #

    Ana shayef en el le3ba eli beytl3b 3aliha delwa2ti 3amal balbala benashr el esha3at we 3amal tadarob fekri we tashtit we tarhib we tab3an el gesh mahysada2 we yestaghel el mawdo3 dah

    El khof bgd men mawdo3 e3tisamat la2n lao el 3adad 2a2l men 20000 alf yeb2a 3alih el 3awad fel mo3tasmeen

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: